Aasmaan ko taakte hue, raaston ko naapte hue,
khali jebein tatolun, ummedon ke band sandook ko kholun,
safar ajeeb sa, dil ye gareeb sa, raat kaat-ta hua,
khwabon ke jhole mein jhankta hua,
kuch ajeeb khwab talaashta,
apni hi zindagi ko chedta hua, muh fer baith jaata,
sar pe haathon ko rakkhe, soch soch jaata rahe,
raat beetegi yeh kaise, unginat sawaal kare,
chup main b kyu rahun, jawab mein kuch kyu na kahun,
hawa ke jhonkon se khele, boondon se hi panga le le,
ye bechara awara suraj se masti kare,
pagalpan hai isko bhari, kar leta hai lehron ki sawari,
kabhi purzor hans leta hai to duje pal ghut ghut ke ye roye,
apno se ladta jhagadta, har baat pe bigadta,
kabhi muskan to kabhi shikan, aisa hai yeh dil apna
No comments:
Post a Comment